Башҡортостан Хөкүмәте министры Руслан Мирсаяпов ошо турала белдерҙе. Сит ил ҡунаҡтары Иглин, Кушнаренко, Архангель, Өфө, Шишмә райондарындағы байрамдарҙа буласаҡ. 

Башҡортостанда һабантуйҙар ғәҙәттә июнь баштарында үтә, ҡунаҡтарҙы башҡорт, татар һәм башҡа халыҡтар мәҙәниәте, йолалары менән таныштырыу маҡсатынан Өфө эргәһендәге райондарҙа байрамды июль баштарына ҡалдырырға ҡарар ителде.

Руслан Мирсаяпов белдереүенсә, саммиттарға Өфөлә 5 яңы ҡунаҡхана төҙөлдө, берәүһе реконструкцияланды. Отелдәрҙә 2 мең ярымдан ашыу сит ил вәкиле һәм меңдән ашыу журналист туҡталасаҡ.

ШОС һәм БРИКС саммитары 8-10 июлдә үтә. Өфөгә ике тиҫтәгә яҡын илдән делегаттар килә.