Бөгөн баш ҡалала Заһир Исмәғилев исемендәге Өфө сәнғәт академияһы студенты Лиана Мкртчяндың шәхси күргәҙмәһе асылды.

Әрмәнстандың Ереван ҡалаһында тыуып үҫкән ҡыҙ 2009 йылдан төрлө халыҡ-ара конкурстарҙа ҡатнаша. Сираттағы экспозицияға ул һүрәттәрҙе техник, композиция йүнәлешендә, төҫтәр, тематикаһы буйынса һайлап алған. Сағыу төҫтәрҙәге ижади картиналар башлыса рәссамдың тыуған ере менән бәйле. Күргәҙмә баш ҡалала ике аҙна эшләйәсәк.