Наградаға 2013-2014 йылдарҙа донъя күргән эштәр дәғүә итә, тип хәбәр итәләр Йәштәр сәйәсәте һәм спорт министрлығынан. 

Әҙәби әҫәрҙәр матбуғатта баҫылырға, сәнғәт өлкәһендәгеләре халыҡҡа күрһәтелергә тейеш. Ә архитектура өлкәһендә объекттар файҙаланыуға тапшырылғандан һуң ғына премияға тәҡдим ителә ала. Ижади коллективтар күрһәтелгәндә, дәғүә итеүселәр һаны 16-35 йәштәрҙәге 5 кешенән артмаҫҡа тейеш.

Премия күләме быйыл 150 мең һумға етә. Материалдарҙы 1 июлгә тиклем Йәштәр сәйәсәте һәм спорт министрлығында ҡабул итәләр.