Халыҡсанлығы менән дан алған Арыҫлан Мөбәрәков исемендәге Сибай башҡорт драма театры республикала һәм Рәсәйҙә иғлан ителгән Мәҙәниәт йылы айҡанлы Мостай Кәрим исемендәге Милли йәштәр театрында сығыш яһай.

30 март Өфө халҡы Рәлиф Кинйәбаев пьесаһы буйынса ҡуйылған «Ҡарауыл! Ҡәйнәмде урлағандар» (ҡуйыусы режиссеры – Дамир Ғәлимов, РФ-ның һәм БР-ҙың атҡаҙанған мәҙәниәт хеҙмәткәре, БР-ҙың атҡаҙанған сәнғәт эшмәкәре) комедияһын ҡарай ала.

31 март билдәле драматург Наил Ғәйетбайҙың «Эңер төшкәндә» (ҡуйыусы режиссеры – Азат Нәҙерғолов, БР-ҙың халыҡ артисы) драмаһы ҡуйыласаҡ.

Рәхим итегеҙ!