Апрель айында Төркиәнең Конъя ҡалаһында «Мең һулыш һәм бер тауыш» тип аталған халыҡ-ара театр фестивале уҙғарыласаҡ. Бындай сарала ҡатнашыу өсөн Сибайҙың «Сулпан» балалар театрына саҡырыу ебәрелгән. Республика Мәҙәниәт министрлығының халыҡ-ара «Төрксой» ойошмаһындағы вәкиле Әхәт Сәлихов белдереүенсә, илдең Мәҙәниәт министрлығы менән «Төрксой» араһында үҙ-ара килешеү тураһындағы документ та ошо йүнәлештәге эштәрҙе камиллаштырасаҡ.
Сибай «Сулпан» балалар драма театры – Башҡортостан Республикаһында иң ҡыҙыҡлы театрҙарҙың береһе. Дәүләт театры статусын 1996 йылда ала. Быға тиклем ҙур булмаған ижади коллектив «Легендалар һәм риүәйәттәр студияһы» булараҡ йәшәй.

«Башҡортостандың мәҙәни донъяһы» порталы