Быуындан-быуынға күсеп килгән боронғо әҫәрҙең сәхнә вариантын билдәле драматург Наил Ғәйетбаев ижад иткән. Спектаклдә төп геройҙар араһындағы бәхәс тағы ла көсәйтелеп бирелгән. Шуға ҡарамаҫтан, бөйөк эпостың композиция ҡоролошо һаҡланған. Сәхнәнән башҡорт халҡының рухи ҡиммәттәре, донъяға ҡарашы тураһында хикәйәт бәйән ителә.

Спектаклдә балалар театрының барлыҡ актерҙары ла ҡатнаша. Уның режиссеры Башҡортостандың халыҡ артисы Азат Нәҙерғолов. Сәсәндәр ауыҙынан яҙып алынған ваҡиғаларҙы тергеҙеүгә шулай уҡ баш ҡала рәссамдары, композиторҙар йәлеп ителгән. Премьера «Урал-батырҙың» йәш тамашасы күңеленә үтеп инеүен күрһәтте.