«Башҡорт теле – донъялағы боронғо төрки телдәренең береһе».
 Башҡортостандың күрше төбәктәрендә башҡорттар һаны күп булыуы һәр кемгә мәғлүм. Тарихи сәбәптәр менән үҙәктән ситтә ҡалыусы башҡорттар үҙенең тамырҙарын белеү, өйрәнеү, йәш быуынды ошо белем нигеҙендә тәрбиәләүгә мохтаж.
18 октябрҙә Силәбе өлкәһенең Екатеринбург ҡалаһында Халыҡ ижады һарайында «Башҡорт теле – донъялағы боронғо төрки телдәренең береһе» тигән темаға ғилми-ғәмәли конференция ойоштороласаҡ.
Конференцияла Рәсәйҙең төрлө төбәктәренән килгән ғалимдар: Рәсәй академия һәм юғары уҡыу йорто фәне, йәмәғәт ойошмалары, музей йәмәғәтселеге вәкилдәре, тыуған яҡты өйрәнеүселәр ҡатнаша. Уларҙың сығыштары боронғо башҡорт теле, уның барлыҡҡа килеүе, үҫеше, хәҙерге торошо мәсьәләләрен яҡтыртасаҡ.
Свердловск Милләт-ара китапханаһы һәм Рәсәй Фәндәр академияһы Өфө ғилми үҙәгенең тарих, тел һәм әҙәбиәт институты белгестәре башҡорт теленә арналған китаптар күргәҙмәһен дә ойошторорға ниәтләй.
Сара иртәнге 10.00 сәғәттә башлана.