Күрше өлкәлә йәшәүсе милләттәштәребеҙ башҡорт йыры фестиваленә йыйылды.

Күләмле сара ҡаланың төҙөүселәр мәҙәниәт һарайында үтте. Конкурсты Башҡортостандың Силәбе өлкәһендәге даими вәкиллеге ойошторҙо. Сараның төп маҡсаты йәштәр араһында халҡыбыҙ моңона ҡыҙыҡһыныу уятыу. Сәхнәнән башҡорт халыҡ йырҙары менән бер рәттән, күренекле композиторҙарыбыҙҙың да әҫәрҙәре лә яңғыраны . Төрлө йәштәге 30 башҡарыусы араһынан жюри ағзалары иң оҫталарҙы һайлап алды. Апрель айында «Яңы йондоҙ» йыр бәйгеһенең сираттағы этабы уҙа. Халҡыбыҙ моңона һыуһаған милләттәштәребеҙ конкурс төбәк мәҙәниәтен байытыусы күркәм йолаға әйләнер тигән ышаныс белдерҙе.