18 декабрҙә Силәбе ҡалаһында «Башҡорт киноһы төнө» исемле кинофестиваль асыласаҡ. Был турала Силәбе өлкәһендәге Башҡортостан вәкиллелеге хәбәр итә.
Кинофорумдың ойоштороусылары Башҡортостан Республикаһының мәҙәниәт министрлығы, Силәбе өлкәһендәге Башҡортостан вәкиллелеге һәм «Башкортостан» ДУП. Шулай уҡ ойоштороусылар араһында «Благо 74» мәғлүмәт үҙәге.
Фестивалде Таңсулпан Бураҡаеваның «Өйләнәм!» тигән фильмы асып ебәрәсәк. Фестиваль сиктәрендә бөтәһе ете фильм күрһәтеләсәк. Улар араһында Гәүһәр Батталованың «Мин үлмәнем, башҡорттар!» документаль фильмы, фильмдың төп ролен танылған спортсы Эльбрус Ниғмәтуллин башҡара.
Фестиваль фильмдарын Силәбе халҡы ғына түгел һәм дә Ҡонашаҡ, Арғаяш халҡы ла ҡарай аласаҡ.
Башҡортостандың Силәбе өлкәһендәге вәкиле Амур Хәбибуллин әйтеүенсә, был фестиваль өлкәлә йәшәгән башҡорт халҡы өсөн бик иҫтәлекле һәм әһәмиәтле ваҡиға булып ҡаласаҡ.
Силәбеләр алдында шулай уҡ Хәсән Усманов, Рөстәм Ғиззәтуллин, Илсур Тайсин республика артистарының сығышы көтөлә. «Башҡортостандың мәҙәни донъяһы» порталы