2 июнь 11.30 сәғәттә Силәбе ҡалаһының А.С.Пушкин исемендәге паркында 9-сы тапҡыр балалар байрамы – һабантуй үтәсәк. Байрамдың ойоштороусыһы – Башҡорт халыҡ үҙәге. Һабантуйҙа ҡатнашыу өсөн 25 майға тиклем ғариза тапшырыр кәрәк.

Һабантуй быйыл да үҙенең йолаларынан ситләшмәй, балалар ижади коллективтары сығыштары, дәртле йыр-моң, батырҙар өсөн көрәш, төрлө спорт уйындары, ижади конкурстар ойоштороласаҡ. Ҡунаҡтарҙы тирмәлә башҡорт аш-һыуы – бишбармаҡ, бауырһаҡ, һурпа һәм башҡа тәмлекәстәр көтә.

Яҙ байрамына рәхим итегеҙ!