Төбәктә радиостанция тапшырыуҙары тулҡындарын еткереүсе ҡоролма урынлаштырылды. «Юлдаш» каналының ФМ йышлыҡтарында эфирға сығыуы урындағы милләттәштәребеҙ өсөн күркәм байрамға әйләнде. 

«Башҡортостан» телерадиотапшырыуҙар компанияһы менән «Спутниктелеком» асыҡ акционерҙар йәмғиәте араһындағы килешеүгә ярашлы, радиотапшырғыс шулай уҡ Ҡурған өлкәһенең Әлмән, Сафакүл райондарында, 11-се сентябрҙә Ырымбур өлкәһенең Ҡыуандыҡ районында сафҡа инә. Ошондай уҡ һөйөнөслө ваҡиғаны тиҙҙән Һамар өлкәһе менән Пермь крайында йәшәүселәр ҙә кисерәсәк.