БР-ҙың Силәбе өлкәһендәге вәкиле Амур Хәбибуллин эш сәфәре менән Өфөлә булды. Эш барышында ул БР Президенты администрацияһында БР-ҙың Силәбе өлкәһендәге вәкиллеккә 15 йыл тулыу айҡанлы саралар үткәреү тураһында килеште. Шулай уҡ «Берҙәм Рәсәй» партияһының региональ исполкомы урынбаҫары Р.Ишһарин менән осрашыуҙа Силәбе, Ҡурған, Төмән өлкәләрендә эшҡыуарлыҡ менән шөғөлләнергә теләүсе республика эшҡыуарҙары хаҡында һүҙ алып барылды. БР-ҙың Сауҙа-сәнәғәт палатаһында Силәбе өлкәһенә индерелгән тауарҙар, тауар әйләнеше, «Башсельхозтехника» генераль директоры И.Тимерғалин менән ауыл хужалығы ойошмаларына сельхозтехника килтереү тураһында һөйләшелде. «Башҡортостан киностудияһы» етәксеһе А.Хужәхмәтов менән эшлекле осрашыуҙа Силәбенең башҡорттар күпләп йәшәгән райондарҙа – Арғаяш, Ҡоншаҡ, Сосновка – киностудияла төшөрөлгән йәнһүрәттәр, телефильмдар күрһәтергә килешелде. «Башагропродукт» етәкселеге менән осрашыуҙа Башҡортостан менән Силәбе араһында тауарҙар һатыу, уларҙың әйләнеше тураһында һөйләшелде. Автор: М.Хәбиров, БР-ҙың Силәбе өлкәһендәге вәкиллектең мәғлүмәт хеҙмәткәре