Силәбе өлкәһендә Роберт Юлдашевтың концерттары үтә

Силәбе өлкәһендә Роберт Юлдашевтың концерттары үтә
27-28 апрелдә Силәбе өлкәһендә Башҡортостандың халыҡ артисы, виртуоз ҡурайсы, Рәсәй Халыҡ-ара конкурстар лауреаты Роберт Юлдашевтың һәм уның етәкселегендәге «Ҡурайсы» төркөмөнөң концерттары үтәсәк. Концертта шулай уҡ йәш йырсы Зилиә Бәхтиева һәм бейеүсе Гүзәл Исламғолова ҡатнаша. 
Музыканттар 27 апрелдә Силәбе ҡалаһының Трактор заводы театрында, 28 апрелдә Озерск ҡалаһының «Төҙөүсе» мәҙәниәт һарайында сығыш яһай.
Концерттар Силәбе өлкәһе башҡорттары ҡоролтайы, «Байрам» проюсер үҙәге һәм төбәктең Башҡорт йәштәре берләшмәһе ярҙамында ойошторолған.
Башҡорт ҡурайын донъя кимәленә алып сығып, Миландың «Ла Скала» сәхнәһен шаулатҡан Роберт Юлдашев өсөн ҡурай - ул йәшәү рәүеше. Милли музыка ҡоралына булған һөйөүе уны «Ҡурайсы» ансамблен төҙөргә этәргес бирә. Роберт Юлдашев башҡарыуында башҡорт ҡурайының ҡабатланмаҫ үҙенсәлегенә хайран ҡалған Рәсәй йондоҙҙары Гарик Сукачев, Николай Носков, Пелагея, Анита Цой кеүек йырсылар виртуоз ҡурайсы менән ижади хеҙмәттәшлек итеп, үҙҙәре өсөн ҙур асыш яһай. 
«Ҡурайсы» төркөмөнөң саунд продюсеры Азамат Йәғәфәров көйҙәргә төрлө стилдә яңғырарға ярҙам итә. Шулай уҡ коллектив Азамат Аҙнағолов, Урал Иҙелбаев кеүек композиторҙар менән дә тығыҙ бәйләнештә ижад итә. 
«Башҡортостандың мәҙәни донъяһы» порталы

 

«Башҡортостандың мәҙәни донъяһы» интернет-порталы дәүләт телдәре булған башҡорт һәм рус телдәренән тыш, инглиз телендә лә Башҡортостандың мәҙәниәте һәм сәнғәте хаҡында бөтә донъяға бәйән иткән мәғлүмәт сараһы.

© 2016 All Rights Reserved. Designed By HunterWeb.ru

Редакция менән бәйләнеш

E-mail: kmb.rb@yandex.ru

Материалдарҙан күсермә һәм өҙөмтә алған осраҡта порталға һылтанма эшләү мотлаҡ.

 

Разработка сайта - HunterWeb