Акция “Мин яратам, һине, тормош” исеме аҫтында үтә һәм оло йәштәгеләр өсөн тәғәйенләнә. Сарала 55-тән өлкәндәр, үҙешмәкәр башҡарыусылар ҡатнаша. 

Фестиваль Башҡортостанда 2012 йылдан алып уҙғарыла, быйылғыһын Бөйөк Еңеүҙең 70 йыллығына арнайҙар. Конкурстың тәүге төбәк туры Күмертау ҡалаһында үтте, унда бер тиҫтәнән ашыу муниципалитеттарҙан үҙешмәкәр пенсионерҙар ҡатнашты. Сиратта - Йәрмәкәй. 15 апрелдә унда Октябрский ҡалаһы, Әлшәй, Баҡалы, Дәүләкән, Миәкә, Саҡмағош, Шаран, ошо тирәләге башҡа райондар вәкилдәре сығыш яһаясаҡ. Дөйөм алғанда, был фестиваль апрель-майҙа 7 төбәктә үтәсәк.