Стәрлетамаҡ дәүләт филармонияһы 22-се ижад миҙгелен асты. Концерт аншлаг менән үтте. Сәхнә оҫталары үҙҙәре лә тамашасы менән осрашыуҙы түҙемһеҙлек менән көтөп алды. Тик коллектив миҙгелде Ҡала мәҙәниәт һарайында ҡаршыланы.

Филармонияла эшләп килгән биш ижади коллектив нисәнсе йыл бергә һәм берҙәм. Яңыраҡ улар Үзбәкстан, Ҡырғыҙстан илдәренә гастролгә барып ҡайтҡан. Әммә филармония бинаһының тамаша залы авария хәлендә булыу сәбәпле, быйылғы миҙгелде Ҡала мәҙәниәт һарайында ҡаршыларға тура килә.

Филармония йылдан-йыл яңы көстәр менән тулылана. Коллектив киләсәккә яҡты уй-ниәттәр менән йәшәй, ижад итә. Маҡсаттары - республика халҡын ғына түгел, күрше өлкәләрҙе лә яңынан-яңы йыр-бейеүҙәр менән ҡыуандырыу.

Ижади миҙгелдең асылыуы - көтөп алынған ваҡиға. Тамашасы сараға ошондай сағыу гөлләмә менән килде. Улар артистарҙың сығышын йылы ҡабул итеп, сәхнә оҫталарына булған һөйөүен шулай белдерә.