Бөгөн Өфөнөң «Нефтсе» мәҙәниәт һарайында «Студент яҙы» Республика фестиваленең гала- концерты үтәсәк. Унда Башҡортостандың 2 тиҫтәнән ашыу уҡыу йортонан 56 мең йәш кеше ҡатнаша. Ойоштороусылар әйтеүенсә, фестивалдең географияһы ла, жанрҙары ла киңәйә бара. Мәҫәлән, 2 меңенсе йылдар башында унда бер тиҫтәләп кенә юғары уҡыу йорто ҡатнашҡан. 

16 майҙа Силәбелә «Рәсәй студенттары яҙы» фестивале башланды. Унда Башҡортостандан Башҡорт дәүләт университеты, уның Нефтекама филиалы, Башҡорт дәүләт педагогия, Авиация–техник, Аграр, Иҡтисад һәм сервис университеттары, Бөрө дәүләт социаль –педагогия академияһы коллективтары ҡатнаша.