Стәрлетамаҡ башҡорт драма театрында балалар өсөн «Торатау» исемле бейеү коллективы булдырылды. Балалар коллективын асыуҙа Стәрлетамаҡ бейеү театрының солистары Рәйел Лоҡманов менән Гөлсинә Лоҡманова күп көс һалған һәм үҙҙәренең идеяһын тормошҡа ашырған. Был бейеү коллективының үҙенсәлеге бар – балалар унда бушлай йөрөй ала. Ҡыҙғанысҡа ҡаршы, бөгөнгө көндә бындай мәрхәмәтлек йыш осрамай.
Лоҡмановтар тураһында әйткәндә, улар күп йылдар бейеү буйынса төрлө түңәрәктәр алып бара. Уларҙың балалары ла
ата-әсәһенән ҡалышмай - мәктәптә үткән төрлө сараларҙа актив ҡатнашалар.
Әлеге көндә «Торатау» коллективына 5 йәштән - 12 йәшкә тиклем 25 бала яҙылған. Яҙылыу әлеге көндә лә дауам итә.
Бөгөн «Торатау» тәбиғәт, халыҡ ҡомартҡыһы проблемаһы көн үҙәгендә торған мәлдә, яңы тыуған балалар коллективына был тауҙың исемен биреп, йәмғиәттең иғтибарын был проблемаға йәлеп итеү бик тә ваҡытлы. «Башҡортостандың мәҙәни донъяһы» порталы