23 май Стәрлетамаҡ дәүләт филармонияһының Бейеү театры Татарстандың Яр Саллы ҡалаһында концерт программаһы менән сығыш яһай.

26–31 май «Сарби» сыуаш эстрада-фолькло ансамбле Башҡортостан Республикаһының Сыуашстан Республикаһындағы көндәре айҡанлы урында ҙур концерт бирә.

Артабан Бейеү театры һәм филармония артистары Һарытау өлкәһендә үтәсәк һабантуйға юллана. Милләтәштәребеҙ башҡорт йыр-бейеүҙәрен ҡарап кинәнәсәк.

3 июнь филармония артистарын Краснодар өлкәһендә көтәләр. 

15 июнь Дондағы Ростов ҡалаһында гастролдәр тамамлана.

Данлыҡлы Бейеү театры тамашасы иғтибарына «Бөрйән ҡыҙҙары», «Башҡортостан», «Ирәндек бөркөттәре», «Бөрйән егеттәре» кеүек киң билдәле бейеүҙәрен, артистарыбыҙ башҡорт һәм татар халыҡ һәм эстрада йырҙарын тәҡдим итәсәк.

Артистарыбыҙға уңышлы сәфәр теләйбеҙ!