Стәрлетамаҡта – премьера!
27 март Стәрлетамаҡ дәүләт театр-концерт берләшмәһендә Борис Васильев драмаһы буйынса «Ә таңдар бында тыныс...» («А зори здесь тихие…») спектакленең премьераһы үтә.
Төп геройҙар – яңы ғына тормош юлына баҫыуҙарына ҡарамаҫтан, Тыуған илдәрен өҙөлөп яратҡан, уның өсөн үҙ ғүмерҙәрен дә йәлләмәгән йәш кенә ҡыҙҙар. Мөхәббәт, ғаилә ҡороу, әсә булыу хыялы менән йәшәгән ҡыҙҙарҙың уй-теләктәрен һуғыш селпәрәмә килтерә. Сибек кенә, нығынып та етмәгән ҡыҙҙарға үҙҙәренән күпкә көслөрәк, таһыллыраҡ ирҙәр менән үлемесле алышҡа инергә тура килә. Сигенеү мөмкин түгел, сөнки Тыуған ил алдында биргән анттары бар...
Ҡуйыусы режиссер – Фәнис Кәримов, композитор – Андрей Березовский, ҡуйыусы рәссам – Лилиә Сөләймәнова, балетмейстр – Эльвира Дауытова.
Төп ролдәрҙә: БР-ҙың халыҡ артисы Рауил Галин, БР-ҙың атҡаҙанған артистары Илһам Рәхимов һәм Фәим Әхмәтйәнов, шулай уҡ Фәрзәнә Ғөбәйҙуллина, Резеда Әмәкәсова, Әлфиә Вилданова, Гөлйемеш Ибраһимова һәм башҡалар.
Рәхим итегеҙ! Башлана 19.00 сәғәттә.