12 апрель М.Ғафури исемендәге Башҡорт академия драма театры сәхнәһендә Башҡортостандың халыҡ артисы Светлана Хәкимованың «Моңомда – яҙ һулышы» тип аталған концерт программаһы үтә. Тамашаның режиссеры – Сулпан Асҡарова, сценарий авторы – Гөлназ Ҡотоева.

Светлана Хәкимованы тамашасы актриса итеп кенә түгел, ә эстрадабыҙҙың моңло тауышлы йырсыһы итеп тә белә. Актрисаның бәрхәттәй йомшаҡ тауышы лирик образдарҙы тыуҙырыуҙа ла ҙур роль уйнай, ул уйнаған героинялар тамашасы күңелендә яҡты нур булып ята, ә йырҙары ... өҙәкте үҙә.

Күңелегеҙ моңға һыуһаһа, яратҡан артисткабыҙҙың юбилей концертына рәхим итегеҙ, дуҫтар! Шулай уҡ Фирүзә Париж, Артур Ҡунаҡбаев, Руслан Сәйфетдинов, Рәмис Хәкимов, Вадим Зәкиев, Альфред Яҡшембәтов үҙҙәренең сығыштары менән тамашасыны ҡыуандырыр.