Өфөләге Сергей Аксаковтың мемориаль йорт-музейында танылған композитор Георгий Свиридовтың вафатына 15 йыл тулыу айҡанлы «Свиридов кисәһе» ойошторолдо.
Ошонда уҡ композиторға арналған күргәҙмә лә асылды. Унда ижадсының Бөрө ҡалаһында йәшәгән осоро менән бәйле материалдар ҡуйылған. Кисәлә Х. Әхмәтов исемендәге Башҡорт дәүләт филармонияһы артистары сығыш яһаны, режиссер Венера Йомағолованың «Никольск ҡорамында Свиридов кисәләре» тигән фильмы күрһәтелде. Сығанаҡ: «Ашҡаҙар»