Театр-филармониялар өсөн гастролдәр осоро башлана. Мәҫәлән, Башҡорт дәүләт филармонияһы коллективы Бөтә Рәсәй ауыл һабантуйында ҡатнашасаҡ. Ил күләмендәге һабан байрамы 7 июндә Ырымбур өлкәһе Һаҡмар районы Ҡарғалы ауылында үтәсәк.

Филармониянан йәнә бер төркөм Ҡырымға юллана. Рәсәй көнө - 12 июндә республика сәнғәт оҫталары беҙҙең шефлыҡтағы Белогорск ҡалаһында сығыш яһай. Йәнә бер төркөм иһә 18 июндә ил баш ҡалаһындағы концертта ҡатнашасаҡ.