Тиҙҙән, 3 ноябрҙә, Рәсәйҙә Халыҡтар берҙәмлеге көнөнә арналған «Сәнғәт төнө» мәҙәни акцияһы уҙасаҡ.
Әлбиттә, был акцияға Башҡортостан мәҙәниәт учреждениелары ла ҡушыла
Сараның быйылғыһы «Сәнғәт берләштерә», тигән саҡырыу аҫтында үтәсәк.
Унда, 2015 йылдың Әҙәбиәт, 2016 йылдың Кино йылы, тип иғлан ителеүен күҙ уңында тотоп, иғтибарҙың сәнғәттең ошо ике өлкәһенә бүленеүе көтөлә.
Был төндә Өфө һәм баш ҡаланан алыҫ ҡалаларҙа, район үҙәктәрендә урынлашҡан музейҙар, китапханалар, театрҙар, концерт ойошмалары көндөҙгө сәғәт 3-тән төнгө 11-гә тиклем ҡунаҡтар ҡабул итәсәк.
Шулай уҡ, «Төнгө осрашыуҙар» эсендәге төнгө театр һәм кино, әҙәби уҡыуҙар, лекциялар һәм фекер алышыуҙар, күргәҙмәләр көтөлә.
Сара һуңында бөтә мәҙәниәт учреждениелары Рәсәй гимны яңғыратасаҡ.