Ҡәҙерле дуҫтар! Башҡортостан юлдаш телевидениеһының рәсми сайты «Тәмле» тапшырыуы менән берлектә «Тәмле ярыш» конкурсын иғлан итә.

Беҙҙең конкурста ҡатнашыу өсөн төп йәки яратҡан аш-һыу рецебын яҙып һәм әҙерләгән ризығығыҙ менән бергә фотоға төшөп, сайтҡа һалырға кәрәк.

Телеңде йоторлоҡ рецепт ике этапта билдәләнәсәк. Финалсылар сайтта тауыш биреү юлы менән һайлап алына. Артабан «Тәмле» тапшырыуы редакцияһы еңеүсене билдәләп, ҡиммәтле бүләк тапшырасаҡ.

«Тәмле» программаһын алып барыусы, Башҡортостан Республикаһының атҡаҙанған артисы, Мостай Кәрим исемендәге Милли йәштәр театры актеры, йырсы Венер Камалов иһә оҡшаған ашамлыҡ рецебын һайлап алып, «Тәмле» тапшырыуы эфирында әҙерләп күрһәтәсәк. Бәлки тап аш-һыуға оҫталығығыҙ исемегеҙҙе бөтә республикаға яңғыратыр?