15 март Мәсетле районы Оло Ыҡтамаҡ ауылында үткән Төбәк-ара ҡубыҙсылар һәм өзләүселәр конкурсы тамамланды. Сараны БР Мәҙәниәт министрлығы, Республика халыҡ ижады үҙәге, Мәсетле районы хакимиәте ойошторҙо.

Был конкурс халыҡ инструменттарында уйнау традицияларын һаҡлау, популярлаштырыу һәм үҫтереү, йәш таланттарҙы асыу, үҫеп килгән быуынды фольклорға ылыҡтырыу, ижади бәйләнештәр булдырыу, Рәсәйҙең күп милләтле халыҡтарының йолалары менән танышыу кеүек маҡсаттар ҡуя.

Ҡубыҙсылар һәм өзләүселәр байрамында 300 яҡын конкурсант, шулай уҡ республиканың 10 районынан һәм 2 ҡалаһынан, Мәскәү, Силәбе, Пермь, Якутиянан килгән ансамблдәр ҡатнашты. Иң төп бүләк – Гран-приға Силәбе өлкәһе ҡубыҙсыһы Тюргэн Кам лайыҡ булды. 

Сығанаҡ: Республика халыҡ ижады үҙәгенең мәғлүмәт хеҙмәте