Ҡазан Ғәлиәскәр Камал исемендәге татар дәүләт академия драма театры 3-сө Бөтә Рәсәй йәш татар режиссураһы фестивален уҙғарҙы. Бында Стәрлетамаҡ башҡорт дәүләт драма театрының баш режиссеры Азат Йыһаншин билдәле драматург Флорид Бүләковтың ,,Мәскәү - Васютки,, спектакле менән һынау тотто.
Талантлы актер Азат Йыһаншин һуңғы бер нисә йылда режиссер булараҡ танылыу яуланы. Былтыр Стәрлетамаҡ ҡалаһында үткән халыҡ драматургияһы фестивалендә ул сәхнәләштергән әҫәр Гран-при менән баһалана. Ҡазан театры тәнҡитсеһе Нияз Иғләмов ижадсыны Татарстанда уҙасаҡ бәйгелә ҡатнашырға саҡыра.
Конкурста үҙ көсөн һынап ҡарарға теләүселәр илдең төрлө төбәктәренән йыйылды. Ун режиссер араһынан Азат Йыһаншиндың эше иң сағыу тип табылып, Гран-при менән баһалана.
Азат Йыһаншин өсөн ижад - ул тормош. Һәр ваҡыт маҡсатҡа ынтылып йәшәү уны яңынан-яңы юғары үрҙәргә әйҙәй.
Артист һөнәренән режиссер кимәленә күтәрелеү үҙе оло мәртәбә. Был еңеү уның тәбиғәттән бирелгән талантың, киң диапозонын дәлилләй. Розалиә Йәнбәкова, Зилә Сәғәҙиева, Руслан Юлтаев
«БСТ» сайтынан