18 апрель «Нефтселәр» мәҙәниәт һарайында 19.00 сәғәттә «Тамыр» телеканалының мәрхәмәтлек концерты уҙасаҡ. Телеканал директоры Гөлназ Ҡолһарина хәбәр итеүенсә, концерттан килгән аҡса Баймаҡ районынан Батыр Маскаровты дауалауға китәсәк. Ул церебраль паралич менән яфалана. Трускавце ҡалаһындағы Халыҡ-ара клиникала Батырға реабилитация курсы үтергә кәрәк.

Тамаша бик мауыҡтырғыс булмаҡсы: ҡатнашыусылар Биштәр тауына йырлы-моңло сәфәргә сығасаҡ. Концертта Роберт Юлдашев, Рәил Өмөтбаев, Руслан Фархшатов, Илшат Абдуллин, балалар ансамблдәре һәм башҡалар ҡатнаша. Шулай уҡ йәш тамашасыны күңелле уйындар, тәмлекәстәр һәм бүләктәр көтә.