10 апрель 19.00 сәғәттә М.Кәрим исемендәге Милли йәштәр театрының башҡорт труппаһы «Театр яҙы» сиктәрендә болгар драматургы Станислав Стратиев пьесаһы буйынса ҡуйылған тәрән сатирик, социаль проблемаларҙы яҡтыртҡан «Автобус» комедияһын сәхнәләштерәсәк.

Режиссеры – Ҡабардин-Балҡар республикаһының атҡаҙанған сәнғәт эшмәкәре Владимир Султанович Теуважуков (Нальчик ҡ.).

Сәхнәгә ҡуйыусы рәссам – Эдуард Ғизәтуллин (Мәскәү).

Пластика – Айҙар Зәкиров (Мәскәү).

Музыкаль биҙәүсе – Ришат Сәғитов.

Бейеү ҡуйыусы – Ярослав Францев.

Пьесаның ҡыҫҡаса йөкмәткеһе түбәндәгесә: иҫке автобуста төрлө яҙмышлы, характерлы, ҡарашлы туғыҙ пассажир үҙ эштәре менән ашыға-ашыға китеп баралар. Һәр кем үҙенең эске донъяһына сумған, ул донъяға хатта яҡын кешеләрен дә индерә алмайҙар. Әммә үҙҙәрен генә уйлаған был пассажирҙарҙың яҙмышы көтөлмәгәнсә боролош ала – автобус водителе быға сәбәпсе, сөнки маршрутты ул билдәләй…