«Театр яҙы» фестивале сиктәрендә «Әллә яңылыш, әллә яҙмыш» спектакле
4 апрель «Театр яҙы» республика фестивалендә Салауат башҡорт драма театры спектакле тап шулай атала.
Һуғышта тере ҡалып, яҡындарыңды күреү, тыуған яғыңдың саф һауаһын һулар өсөн кеше нимә генә эшләмәй. Спектаклдә барасаҡ ваҡиғалар шул хаҡта. Шундай ырым йәшәй: әгәр ҙә бер-береңә һүҙ бирәң икән, уны үтәмәйсә тороп, был донъянан китеп булмай. Һүҙең дә тормаһаң, бәлә килерен көттә тор. Трагикомедия геройҙары ла һуғыштан имен-аман ҡайтырға ант бирәләр...
Спектакль Т.Миңнуллин пьесаһы буйынса ҡуйыла.
Ҡуйыусы-режиссер – Рәсәйҙең атҡаҙанған, Башҡортостандың халыҡ артисы, С.Юлаев исемендәге Дәүләт премияһы лауреаты Олег Ханов.
Костюмдар буйынса рәссам – Альберт Нестеров.
Музыкаль биҙәүсе – Башаҡортостандың атҡаҙанған артисы Яҡуп Шәрипов.
Ролдәрҙә: Башҡортостандың атҡаҙанған артистары Нәүфилә Яҡупова, Наҙгөл Иҫәнбаева, шулай уҡ Фәтих Ҡолһарин һәм Риф Мусин.
Спектакль 4 апрель М.Ғафури исемендәге Башҡорт академия драма театры сәхнәһендә 19.00 сәғәттә башлана.
