Баш ҡала беренсе тапҡыр «Театраль артылыш» тип исемләнгән уникаль проектта ҡатнашты. 18 көн эсендә Өфө тамашасыһына Силәбе, Төмән, Кемерово, Новокузнецк һәм Томск театрҙары 30-ҙан ашыу спектакль күрһәтте.

«Театраль артылыш» Новокузнецк театры сәхнәләштергән «Яусы» спектакле премьераһы менән тамамланды.

Иҫегеҙгә төшөрәбеҙ Рәсәй Федерацияһының Мәҙәниәт министрлығы ойошторған уникаль проектта 1 спектакль тик бер генә тапҡыр уйналды. Себер тамашасыһына Өфө актерҙары «Бешеные деньги», «Маскарад», «Неаполь – миллионерҙар ҡалаһы», «Баҡсасылар», «Барыһы ла баштүбән» спектаклдәрен һәм балалар өсөн «Юл сатындағы детектив» шаян уйынын тәҡдим итте.

«Башҡортостандың мәҙәни донъяһы» порталы