21–22 март Кушнаренко районының Кушнаренко ауылында һәүәҫкәр театрҙар араһында «Театраль рампа» («Театральная рампа») асыҡ республика фестивале үтә. Ойоштороусылар – Кушнаренко районының администрацияһы һәм БР театр эшмәкәрҙәре союзы. Спектакль жанры ҡатнашыусыларҙың ҡарамағында, оҙайлығы 1 сәғәттә 30 минуттан артмаҫҡа тейеш.
Фестиваль программаһы:
фестивалде тантаналы асыу һәм ябыу;
театрҙарҙың спектаклдәрен ҡарау;
режиссер һәм театр эшмәкәрҙәренән мастер-кластар;
түңәрәк өҫтәлдә спектаклдәгә анализ яһау, һәүәҫкәр театрҙарҙың үҫеү юлдарын тикшереү;
Еңеүселәр Гран-при, I, II, III дәрәжә дипломдар, шулай уҡ «Иң якшы режиссер», «Иң яҡшы актер» номинациялары менән бүләкләнәсәк.