Театрҙың тамашасы яратып ҡараған «Ҡыҙҙар моңо – моңо халҡымдың» шиғри-музыкаль проекты сиктәрендәге был кисә (проект авторы - Хөрмәтулла Үтәшев) башланып торған Әҙәбиәт йылына арнала. Лариса Абдуллинаның тыуған яғында уҙғарыласаҡ был кисә театр һәм шиғриәт һөйөүселәргә күркәм бүләк буласаҡ. Унда Рәсәйҙең һәм Башҡортостандың халыҡ артисы Хөрмәтулла Үтәшев, Башҡортостандың халыҡ артистары Сара Буранбаева, Илдар Ғүмәров, Светлана Хәкимова, Башҡортостандың атҡаҙанған артистары Алһыу Ғәлина, Гөлнара Әмирова, Рәзифә Динмөхәмәтова, йәш артистар Руслан Хайсаров, Гөлнара Ҡаҙаҡбаева,Урал Әминов, Фәнис Рәхмәтов ҡатнаша.

Кисә Район мәҙәниәт һарайында - 13.00 сәғәттә уҡыусылар өсөн, кисен - 18.00 сәғәттә өлкәндәр өсөн ойошторола.