Бер төркөм журналистар Башҡортостан юлдаш телевидениеһының яңы ижад миҙгеленә әҙерлеге менән танышты.

Республиканың төп каналы экрандарына тиҙҙән 8 яңы проект сыға. «Уңған килен», «Тарих яратыусылар клубы», «Ҡыйыу музыка» тапшырыуҙары телевизор ҡараусыларҙың зауығын төрлө яҡлап ҡәнәғәтләндереүгә ҡоролған. Брифингҡа килгән журналистар «Ҡыйыу музыка» тапшырыуын төшөрөүҙә лә ҡатнашты. Был программа эстрадала яңы исемдәр асыуға, музыка донъяһы тураһында әңгәмә, бәхәс ҡороуға бағышланған. Эфирға тиҙҙән тағы ла бер яңы мәғлүмәти тапшырыу сығасаҡ. Унда студияға килеүсе тамашасылар власть вәкилдәре менән осрашып, уларға төрлө һорауҙар биреү мөмкинлегенә эйә. «Сәләм» тапшырыуы ла бер аҙ яңырыу кисергән.