23 - 24 мартта, «Нефтсе» мәҙәниәт һарайында «Туған тел» - «Бөтә донъя тирмәһе» Икенсе Халыҡ-ара башҡорт һәм татар йыры музыкаль фестивале үтәсәк. 

Концерттың ойоштороусылары: БР Мәҙәниәт министрлығы, БР Элемтә һәм киң мәғлүмәт министрлығы, Татарстан Республикаһы мәҙәниәт министрлығы. 

Беренсе көндә концертта танылған артистар: Флүрә Килдиәрова, Фидан Ғафаров, Ғәбделфәт Сафин, Ризуан Хәкимов, Гүзәл һәм Иҙрис Кәлимуллиндар, Флорида Тимербаева ҡатнаша. 

Икенсе көндө фестивалдең Гала-концерты, конкурсты йомғаҡлау һәм еңеүселәрҙе тәбрикләү тантанаһы үтәсәк. Шулай уҡ саҡырылған ҡунаҡтар: Батырхан Шукенов, Йәмилә, Марат Шоңҡар, Салауат Фәтхетдинов, Айҙар Ғәлимов, Венера Ғәниева, Зөфәр Хәйретдинов, Вәсилә Фәттәхова һ.б. сығыштары көтөлә. 

«Башҡортостандың мәҙәни донъяһы» порталы