5-6 декабрҙә, Өфөнөң М. Кәрим исемендәге Милли йәштәр театрында Туймазы татар дәүләт драма театры гастролдәре үтәсәк.
Гастролдәр театр тормошонда ҙур мөһим урын алып тора. Һәр гастроль яңы тамашасылар, яңы хис-тойғолар, яңы асыштар һәм яңы һөҙөмтәләр алып килә.
20 йыл ижад дәүерендә Туймазы татар дәүләт драма театры ҡайҙарҙа ғына булмаған да, ҡайҙарҙа ғына үҙенең сығыштары менән тамашасыларҙың алҡыштарын яуламаған!
Был юлы тамашасылар хөкөмөнә туймазылар Зөлфәт Хәкимдең «Легионер» һәм Николай Коляда яҙған «Курица» («Тю-тю, мөхәббәт йәки тауыҡ баш») комедияһын ҡуясаҡ.
Спектаклдә уйнаусы артистар һәр береһе үҙ ролен яратып, бар күңелен биреп башҡара. «Легионер» спектаклендә төп ролдә, Яппар ролен Башҡортостандың атҡаҙанған артисы Фәнзил Мөхәмәтдинов уйнай, режиссеры – Байрас Ибраһимов. «Тю-тю, мөхәббәт йәки тауыҡ баш» комедияһында төп ролдәрҙә Башҡортостандың атҡаҙанған артисткаһы Гөлнара Ғәбиҙуллина һәм Башҡортостандың халыҡ артисы Айрат Солтанов уйнаясаҡ, спектаклдең ҡуйыусы режиссеры Илнур Муллабаев.
Тамашаларға рәхим итегеҙ!
«Башҡортостандың мәҙәни донъяһы» порталы