Республикала модельный статуслы китапханалар булдырыу проекты 2004-се йылдан башлап алып барыла. Һуңғы ике йылда, Туймазы районында “Башҡортостан Республикаһында 2011-2014 йылдарҙа модельный китапханалар үҫтереү” законына ярашлы, ике модельный статусын йөрөткән китапхана асылғайны.

Яңы 2013-сө йыл алдынан, модельный исеменә Туймазы үҙәк балалар китапханаһы ла лайыҡ булды. Әлеге көндә китапхана яңы бинаға күскән, уның фондында булған бер-нисә йөҙ китап, элекке һымаҡ иҫке шкафтарҙа һаҡланмай, ә улар өсөн яңы китап һаҡландырғыстары ла һатып алынған. Китапхана хеҙмәткәрҙәре әйтеүе буйынса, китапхана бөгөнгө көндә яңы технологияға ярашлы итеп, китаптарҙы компакт-дисктарға күсереүҙе лә күҙ уңында тота.

Шулай уҡ район бюджетынан бүленгән аҡсаға, китапханала ремонт та уҙғартылған, хәҙер уның бүлмәләре яҡты һәм йылы тип, белдерә үҙәренең ҡәнәғәтлеген китапхана менән файҙаланыусылар. Китапхана компьютерҙар менән дә фаразландырылған, уның электрон уҡыу залы ла булдырылған. Компьютер, интернет аша Башҡортостандағы, Рәсәйҙәге булған бар китапханалар менән дә бәйләнешкә тиҙ арала кереп була һәм булған энциклопедияларҙы, рус һәм сит ил авторҙарының китаптары менән дә танышырға мөмкин.