Башҡорт дәүләт ҡурсаҡ театрында, етеп килгән аждаһа йылына арнап, ,,Бүләккә - аждаһа,, тип исемләнгән балалар өсөн спектакль күрһәтелде. Ҡурсаҡ уйнар йәштән уҙһам да, тормошомдо ҡурсаҡһыҙ күҙ алдына ла килтерә алмайым, ти театрҙың йәш актрисаһы Дилә Муллабаева. Коллективта тәүге йыл ғына эшләгән актрисаның был ҡуян образындағы һигеҙенсе роле. Етеп килгән аждаһа йылы пьесаның төп идеяһына әйләнә. Әҫәргә исем бирелгәс тә, автор ижади төркөм менән кәңәшләшеп, буласаҡ әкиәттең эстәлеген төҙөй, сценарий яҙа. Театр етәкселеге эште хуплағандан һуң, әҫәр бер ай эсендә сәхнәгә сығарыла. Автор әйтеүенсә, был уның өсөнсө ижад емеше. Төлкө, ҡуян, әкиәттәге Мальвина һәм изге фәрештәләр… Байрам кисәһенә баш ҡаланың төрлө йәштәге балалары йыйылды. Төрлө әкиәт персонаждары костюмдарын кейеп килгән балалар байрамдың сағыу биҙәгенә әүерелде. Театр фойеһында ла кескәйҙәрҙе йәлеп итерлек күңелле тамаша ойошторолдо. Киләһе йылдың символы - аждаһа, янғын һүндереүсе ролендә сығыш яһап, уйын аша кескәйҙәргә ут менән шаярырға ярамағанлығы хаҡында аңлатты.
 Розалиә Йәнбәкова
«БСТ» сайтынан