Учалы сәнғәт һәм мәҙәниәт колледжына Салауат Низаметдиновтың исеме бирелде
Учалы сәнғәт һәм мәҙәниәт колледжы арабыҙҙан иртә киткән талантлы композитор Салауат Низаметдиновтың исемен йөрөтәсәк.
Салауат Низаметдинов (1957-2013) – Рәсәйҙең һәм Башҡортостандың атҡаҙанған сәнғәт эшмәкәре, СССР Композиторҙар союзы ағзаһы. БР-ҙың Учалы районында тыуып үҫкән. Бик күп опера, хор, инструменталь әҫәрҙәр, романстар һәм йырҙар авторы. Прагала үткән Халыҡ-ара композиторҙар конкурсы, “Филантроп” Халыҡ-ара премия лауреаты. Башҡортостан Композиторҙар союзының рәйесе булып та хеҙмәт итә.
Учалы сәнғәт һәм мәҙәниәт колледжы 1972 йылда барлыҡҡа килә. Ошо дәүергә тиклем ул 2 меңдән ашыу белгес әҙерләп сығарған. Колледж музыканттар, рәссамдар, бейеүселәр, профессиональ һәм һәүәҫкәр коллектив етәкселәрен әҙерләй.
