БР Учалы районында “Фольклорҙың бер көнө”, тип аталған үҙешмәкәр фольклор коллективтары район конкурсы тамаланды. Был сара халҡыбыҙҙың рухим мираҫын тергеҙеү, һаҡлау һәм үҫтереү маҡсатында ойошторолдо. Мәҙәниәт йортонда үткән конкурсты абруйлы жюри ағзалары баһаланы: “Хазина” халыҡ фольклор коллективы етәксеһе Ғәрифә Кудрявая, РР мәғәриф алдынғыһы, Учалы районы муниципаль районы почетлы гражданы Клара Ниғмәтуллина, мәғәриф бүлеге етәксеһе хоҡуғын башҡарыусы Рәфиә Әсәҙуллина һәм башҡалар. Ауыл мәҙәниәт йорттары ансамблдәренән I дәрәжәләге диполм менән «Йондоҙ» фольклор ансамбле лайыҡ булды. II дәрәжә дипломын Илсе мәҙәниәт йортонан «Серҙәштәр», Уральск мәҙәниәт йорто «Йәйғор» фольклор ансамблдәре бүләкләнде. Район кимәлендә үҙ көстәре менән матур саралар ойоштороп, әүҙем тормошта ял итә белгәндәр һоҡланыу тыуҙыра. Бындай сараларҙың артабан да булып тороуон, фольклор ансамблдәренә иғтибар артыуын теләйбеҙ.