«Урал батыр» эпосы ҡытай телендә!

Башҡорт халҡының мәшһүр «Урал батыр» эпосы тиҙҙән ҡытай теленә тәржемә ителәсәк.
Халҡыбыҙҙың төп ауыҙ-тел ижады ҡомартҡыһы, кешелектең йәшәйе башы, тормош ҡанундары хаҡындағы эпик әҫәрҙе тәржемә итеү
итеү өсөн ике телде лә яҡшы белгән белгестәр талап ителә.
Бөтә яҡтан да бай был эпосты тәржемә эшен үҙ өҫтөнә ҡытай теле белгесе Шамил Батыршин алған.
Ул Мәскәү дәүләт университеты филология факультетының ҡытай теле кафедраһын тамамлаған, 13 йыл Ҡытайҙа йәшәү, уларҙың телен һәм мәҙәниәтен яҡшыраҡ үҙләштереү мөмкилегенә эйә булған. Хәҙерге көндә Башҡортостанда ҡытай теленән уҡыта.

Мөһим, әммә ҡатмарлы эш тураһында идея уға Өфөлә ШОС һәм БРИКС саммиттары алдынан килгән.
Тәржемә эшен тормошҡа ашырыуҙа тағы ла, Башҡорт дәүләт университеты һәм Тенгин халыҡ-ара телдәр институты белгестәре ҡатнаша.
Эпостың ҡытай телендәге варианты 2016 йылдың башында тамамланырға тейеш.