Тиҙҙән Башҡортостан ерлеге «Урал моңо» конкурсы ҡатнашыусыларын ҡабул итәсәк. 24-26 майҙа үтәсәк бәйгенең һайлап алыу туры апрелгә тәғәйенләнгән.

Йәш таланттарҙы асыу, төрки халыҡтарҙың мәҙәниәтен үҫтереүгә йүнәлтелгән сараны ойоштороусылар әле фестивалдең үҙ сайтын булдырыу өҫтөндә эшләй. Өс турҙа үтәсәк сарала 18 йәштән 35 йәшкә тиклемге башҡарыусылар ҡатнаша. Эстрада төркөмдәре, яңғыҙ башҡарыусылар жюри тарафынан айырым баһаланасаҡ. Быға тиклем «Урал моңо»нда ҡатнашып, лауреат исеменә лайыҡ булыусылар бәйгелә ҡатнаша алмай. Ғаризалар 26 апрелгә тиклем ҡабул ителә.