Ошондай исем аҫтында 18-20 сентябрь баш ҡалабыҙҙың «Башҡортостан» дәүләт концерт залында Халыҡ-ара фестиваль үтәсәк. Уны РФ һәм БР Мәҙәниәт министрлыҡтары, Өфө ҡала хакимиәте ярҙамы менән Владимир Спиваковтың Башҡортостандағы Халыҡ-ара мәрхәмәтлек фонды ойоштора.

Донъяның иң яҡшы симфоник коллективы – Владимир Спиваков етәкселегендәге Рәсәйҙең Милли филармония оркестры йәш музыканттар менән берлектә баш ҡала халҡына өс концерт программаһын тәҡдим итәсәк. Тамашала оркестр популяр булған рус һәм сит ил классик музыкаһын башҡарасаҡ. Концертта Мәскәү дәүләт филармонияһы солисы, пианист Филипп Копачевский, Рәсәйҙең Ҙур театры солисткаһы Анна Аглатова (сопрано), Е.В. Колобов исемендәге «Яңы Опера» Мәскәү театры солисы Алексей Неклюдов (тенор), Халыҡ-ара конкурстар еңеүсеһе, виртуоз скрипкасы Сергей Догадин ҡатнашасаҡ.