Өфөлә 24-26 майҙа XVI Төрки йәштәренең халыҡ-ара «Урал моңо-2012» конкурс-фестивале үтәсәк. 

Ҡатнашыусылар Өфө, Бөрө, Благовещен, Учалы ҡалаларынан, Балтас, Дыуан, Борай, Благовар, Миәкә, Саҡмағош, Йәрмәкәй районадыранан бар. 

Был сара беренсе тапҡыр 1991 йылда Өфөлә Башҡорт йәштәренең республика конкурс-фестивале кимәлендә үткәрелә. Конкурс република эсендә генә түгел, ә унан тыш та ҙур резонанс ала. 1994 йылда конкурс Халыҡ-ара (шул уҡ йылда Гран-приға Ҡабарҙы-Балҡар республикаһынан «Алмасты» төркөмө лайыҡ була ) статусын ала һәм масштаблы төрки йәштәренең халыҡ-ара музыка ижад конкурс-фестиваленә әйләнә. 

Халыҡ-ара конкурс-фестиваленең ойоштороусылары: ТЮКСОЙ халыҡ-ара ойошмаһы, РФ Мәҙәниәт министрлығы, БР Мәҙәниәт министрлығы, Республика халыҡ ижады үҙәге, Башҡортостан юлдаш телевидениеһы, Х. Әхмәтов исемендәге башҡорт дәүләт филармонияһы. 

Төрки телле йәштәре араһында заман милли музыка ижадын пропагандалау, төрки телле халыҡтарының милли ғөрөф-ғәҙәттәрен һәм мәҙәниәтен һаҡлап ҡалыу, йәш башҡарыусыларҙың ижади һәләттәрен үҫтереү - конкурс-фестивалдең төп маҡсаттары булып тора. 

«Урал моңо-2012» конкурс-фестиваленең Гала-концерты 26 майҙа Өфөнөң «Нефтсе» мәҙәниәт һарайында үтәсәк.