Башҡорт театрында билдәле шәхес, БДАДТ-ның йөҙө, талантлы актер Заһир Суфиян улы 1940 йылдың 1 ноябрендә донъяға килгән. БАСССР-ҙың Күгәрсен районында, Йомағужа урта мәктәбен тамамлағас, Өфө сәнғәт училищеһының актер бүлегенә уҡырға инә. Унан һөнәр һәләттәренә эйә булып сыҡҡас, 1966 йылдан Театр эшмәкәрҙәре берләшмәһе ағзаһы итеп алына. 1986 йылда ӨДСИ тамамлай, уға билдәле режиссер Ғабдулла Ғиләжевтың курсында белем алыу бәхете тәтей. Буласаҡ театр йондоҙоноң хеҙмәт юлы Сибай ҡалаһында, СБД театрында башлана. М. Кәримдең “Ай тотолған төндә” спектаклендә Аҡъегет роле иһә, уға ҙур билдәләлелек алып килә. Унан һуң, театр йондоҙона башҡа бик күп авторҙарҙың спекталдәрендә уйнарға, бик күп образдарҙы кәүҙәләндерергә, ролдәргә йән өрөргә насип була. 1970 йылда иһә, уның тормош һәм ижад юлы М. Ғафур исемендәге БДАД театрында дауам итә. 1981 йылда М. Кәримдең “Оҙон-оҙаҡ баласаҡ” әҫәре буйынса әҙерләнгән “Яҙмыштарҙан уҙмыш юҡ” спектаклендә шағир образы өсөн БАССР-ҙың С. Юлаев исемендәге Дәүләт премияһына лайыҡ.