Метрополитен-Опера театрында киләһе сезонда режиссер Дмитрий Черняков етәкселегендә А.Бородиндың операһы – «Князь Игорь» ҡуйыласаҡ. Премьера 2014 йылдың 6 февраленә планлаштырыла.
Театр 2013/14 сезонында 26 опера ҡуйырға ниәтләй, шуның алтыһы премьера. Репертуар бик бай: барокко дәүеренән хәҙерге көндәргә тиклем. Постановкаларға донъяның билдәле композиторҙары, йырсылары, артистары ҡатнашасаҡ. 10 спектакль интернетта онлайн режимында барасаҡ.
«Князь Игорь» операһында Илдар Абдразаҡов төп партияны башҡарасаҡ. Ярославна ролен Оксана Дыка, Владимир Игоревич партияһын Сергей Семишкур, принц Галицкийҙы Михаил Петренко, Кончаковна принцесса ролен Анита Рачвелишвили һынландырасаҡ.
Дирижер - Джанандреа Нозеда/Павел Смельков
Режиссер: Дмитрий Черняков. «Башҡортостандың мәҙәни донъяһы» порталы