Башҡортостан Республикаһы Президенты Рөстәм Хәмитов Указына ярашлы, Рәсәйҙең Милли филармония, «Мәскәү виртуоздары» Дәүләт камерный оркестрҙарының баш дирижеры, Мәскәү халыҡ-ара Музыка йорто президенты Владимир Спиваков «Башҡортостан Республикаһы алдында күрһәткән хеҙмәте өсөн» ордены менән бүләкләнде.

Иҫегеҙгә төшөрәбеҙ, 14 июнь Башҡорт дәүләт опера һәм балет театрында, 15 июнь Салауат ҡалаһының «Нефтехимик» мәҙәниәт һарайында билдәле «Мәскәү виртуоздары» оркестрының мәрхәмәтлек концерттары үтә.