Танылған рок йырсыһы, яҡташыбыҙ Земфира Рамаҙанова Париждағы «Сигаль» залында уңышлы сығыш яһап, Франция тамашасыларын таң ҡалдырҙы.

Француз рок-н-ролының үҙәге тип танылған залда Земфира Рәсәй башҡарыусылары араһында тәүге булып сығыш яһаны. Хәбәр ителеүенсә, ике сәғәт дауам иткән концертта зал яҡташыбыҙҙың һәр сығышын көслө алҡыштарға күмгән. Урындағы билдәле «Максим-энд-ко» порталы билдәләүенсә, Земфира Париж тамашасыһына онотолмаҫ кисә бүләк иткән. Сәхнә майҙаны Земфираға ла оҡшаған. Был сәхнәгә аяҡ баҫып, күптәнге хыялымды тормошҡа ашырҙым, тип белдергән яҡташыбыҙ.

Сығанаҡ: Башҡортостан юлдаш телевидениеһы