Башҡортостандың халыҡ яҙыусыһы Зәйнәб Биишева төрки донъяның бөйөк ҡатын-ҡыҙҙары исемлегенә индерелде. 

 Төркиәнең милли телерадиокомпанияһы төрки донъя үҫешенә ҙур өлөш индергән шәхестәр тураһында тапшырыуҙар әҙерләй. Журналистар Әхмәт Зәки Вәлиди исемендәге Милли китапханала булып, әҙибәнең тормош юлы һәм ижады менән танышты. Төркиә телеканалы төркөмө әлегә тиклем Кипр, Молдавиялағы Ғағауз республикаһы, Ҡырғыҙстан, Ҡаҙағстан, Төркмәнстан, Һиндостан, Хакасия, Татарстан, Ҡырымда булған, төрки халыҡтарҙың бөйөк ҡатын-ҡыҙҙары тураһында яҙмалар эшләгән.