Июлдә Мәскәүҙә даими уҙғарылған “Йылдың иң яҡшы һалым түләүсеһе” халыҡ-ара премияһы лауреаттарын бүләкләү тантанаһы булып үтте.

РФ Федераль Йыйылышы Дәүләт думаһы депутаттары тәҡдиме менән эшҡыуарлыҡты үҫтереүгә ярҙам итеү фонды булдырған был премия Рәсәй иҡтисадын һәм бизнесын үҫтереүгә ҙур өлөш индереү билдәһе булып тора.

Конкурста илдең 100-ҙән ашыу предприятиеһы – милли иҡтисад элитаһы лидерҙары ҡатнашты. “Эшҡыуарҙарҙың Мәскәү ассоциацияһы” төбәк-ара йәмәғәт ойошмаһы ҡарар итеүенсә, “Дәүләт алдындағы бурыстарын намыҫлы үтәгәне, йәмғиәттә һалым мәҙәниәтен күтәргәне өсөн”, “2012 йылдағы иң яҡшы һалым түләүсе” Халыҡ-ара премияһына “Янғантау” шифаханаһы эйә булды.

Илдең шифахана-курорт тармағы флагманы, Иң яҡшы Рәсәй компанияһы – 2012, “Янғантау” курорты Башҡортостан Республикаһының төньяҡ-көнсығышында халыҡты эш менән тәьмин итеүсе иң ҙур предприятие иҫәпләнә, республика иҡтисадына тос өлөш индерә һәм Рәсәйҙә, донъяла алдынғы һәм лайыҡлы өлгө күрһәтә. 

“Янғантау” шифаханаһының матбуғат хеҙмәте