Бөгөн Өфөнөң «Нефтсе» мәҙәниәт һарайында «Яратам һине, тормош!» оло йәштәгеләрҙең художестволы үҙешмәкәр ижады фестиваленең гала-концерты үтә.

Сараның ойоштороусылары: Хеҙмәт һәм халыҡты социаль яҡлау министрлығы, БР Мәҙәниәт министрлығы, «Башҡортостан Республикаһының муниципаль берәмектәре Советы» ассоциацияһы, Һуғыш, хеҙмәт, Ҡораллы Көстәр һәм хоҡуҡ һаҡлау органдары ветерандарының (пенсионерҙарҙың) республика советы, «Йылдарым — байлығым» йәмәғәт ойошмаһы, «Башҡортостан» телерадиокомпанияһы дәүләт унитар предприятиеһы. 

Фестивалдә республиканың төрлө район-ҡалаларынан ижади коллективтар һәм айырым башҡарыусылар ҡатнашты. Ҡатнашыусылар йәше: ҡатындар – 55 йәштән алып, ир-аттар – 60 йәштән алып булды.

Бәйге йомғаҡтары буйынса еңеүселәргә һәр номинацияла 1-се, 2-се һәм 3-сө урындар биреләсәк. Гран-приға иң сағыу һәм һәләтле ҡатнашыусы лайыҡ буласаҡ.

«Башҡортостандың мәҙәни донъяһы» порталы